^*ŝi ^UV

Ununombra virina pronomo de tria persono: mi vokas la knabinon, kaj ŝi venas [1]; ŝi lavis sin en sia ĉambro [2]; venis al ŝi malriĉa virino, kiu petis ŝin, ke ŝi donu al ŝi trinki [3]; ŝi edziniĝis kun sia kuzo, kvankam ŝiaj gepatroj volis ŝin edzinigi kun alia persono [4]; ŝi gravediĝis, kaj ŝi naskis [5]; cikonia patrino kuŝis sur la ovoj kaj estis tute certa, ke ŝi feliĉe elkovos [6]; la vendistino volis scii, por kiu ŝi kreos la floraranĝon [7]; ĉiu li havas sian ŝi ^PrV ; inter fremdaj ŝi estas edzino – anĝelo, kun la edzo ŝi estas demono kruela ^PrV .

Rim.: En Esperanto ne ekzistas gramatika sekso. Sekso estas nur parto de la signifo de iuj o-vortoj. La finaĵo -o neniel esprimas sekson […] Ekzistas en Esperanto tri signifoklasoj de vortoj por homoj kaj bestoj: sekse neŭtraj radikoj, virseksaj radikoj kaj inseksaj radikoj [...] Se la radiko estas vira, oni devas aldoni -in/, kiam temas pri ino: ŝi estas reĝino. Ĉe neŭtra radiko oni povas aldoni -in/, se oni volas klare montri, ke temas pri ino, sed tio ne estas deviga: ŝi estas aktor(in)o. Se jam la radiko estas ina, oni kompreneble ne aldonu -in/: ŝi estas mia muzo [...] Plej ofte oni rutine aldonas la sufikson -in/ al neŭtraj vortoj, se oni parolas pri ino, kvankam tio principe ne necesas. Oni do tute rajtas diri ekzemple ŝi estas ŝoforo, ĉar la radiko ŝofor/ per si mem estas neŭtra [8].

Posedata de ŝi, rilata al ŝi: el ŝiaj multaj infanoj unuj estas bonaj kaj aliaj estas malbonaj [10]; ŝia patrino insultis ŝin [11]; ŝajnas al mi, ke el ŝia buŝo elsaltas perloj [12]; tio estis ŝia plej amata ludo [13]; ŝi ripetis la rakontojn sufiĉe malrapide, por ke oni povu skribi post ŝia diktado [14]; la reĝino kaj ŝia familio signifas malpopularan anakronismon [15]; lango de virino estas ŝia glavo ^PrV .