^*suker/o

Blanka dolĉa substanco, konsistanta el karbono, hidrogeno kaj oksigeno, kaj elprenita el diversaj vegetaĵoj, precipe el sukerkano kaj el beto: li donis al mi teon kun sukero [1]; tason da varma biero kun butero kaj sukero […] ŝi rigardis kiel la solan veran universalan rimedon [2]; la pli vaste konataj sukeroj, glukozo kaj fruktozo, havas en ĉiu molekulo ses karbon-atomojn [3]; la domo estas konstruita el pano kaj kovrita per kukoj, la fenestroj estis el hela sukero [4]; mi amas la patron kiel plej dolĉan sukeron [5]; ne esperu kvietiĝi […] per konuso da sukero [6]; (figure) mia patro superŝutadis siajn postulojn per sukero [7].

(tr)

Dolĉigi per sukero: tro sukerita turka kafo ^CKv ; mi plenigos la tasojn kaj ilin sukeros mem, ĉar mi sola konas la gustojn de miaj kunmanĝantoj ^ChL ; ŝi decidis baki ian delikataĵon, al kiu laŭ nia hungara kutimo oni bezonas aligi pistitan kaj sukeritan papavon ^KKr ; oni manĝas makaroniojn kun […] kakaopulvoro, sukeritaj muelitaj juglandoj ^Kon11 ; ĉiu viro ricevis malgrandan ladskatolon kun kondensita kaj sukerita lakto ^MortulŜip .

Sukerita frandaĵo: sur la tablo staris diversaj sukeraĵoj [8]; ĉiu el ili antaŭtenis al li plej ĉarman sukeraĵon, kiun nur povas vendi la kukistino [9]; ŝi prenis rozan sukeraĵon […] kraketigante ĝin en siaj blankaj dentoj ^Marta ; mi havas 80 jarojn kaj spertis kiel, ĉe ni, la boligitaj sukeraĵoj, biskvitoj, ktp. ofte estis sen volvaĵoj kaj liveritaj al aĉetantoj en simplaj papersakoj, kiam mi estis infano [10]. bombono, sukerŝpinaĵo

Butiko, kie oni vendas sukeraĵojn: la vento alportis la sonojn de la sukeraĵejo, li povis ankaŭ aŭdi, kiel la urbanoj tie kantis ĉe sia glaso da vino [11]; tiajn [bombonojn] ili antaŭe vidis nur en la sukeraĵejoj [12].

Iu, kiu produktas kaj vendas sukeraĵojn: la sukeraĵisto venis el la urbo kaj starigis sian tendon, kaj poste venis ankoraŭ unu sukeraĵisto kaj pendigis kiel insignon super sia tendo sonorilon [13]; la princino alvokis la sukeraĵiston, kiu devis baki kukojn, kiajn manĝas la reĝo [14]; mi pagos por la maŝino limimposton? Vitalij levas la ŝultrojn, li nenion pensas pri la maŝino de l’ sukeraĵisto ^Metrop .

Vazo aŭ alia ujo por konservi aŭ prezenti sukeron: estas […] pulvora sukero, en sukerujoj [15]; ŝi etendis la manon por sukerujo, kiu staris proksime, kaj komencis sukeradi la berojn [16].

Laktozo: la bakteria fermentado transformas la laktozon (laktosukeron) al laktoacido kaj kaŭzas ĉe la jogurto gelatenecan konsiston [17].

Pulvorigita sukero: iru al la butikisto kaj servu por envolvado de butero kaj sukerpulvoro [18]; aŭstraj patkukoj tradicie estas farĉitaj per abrikota marmelado, rulitaj kaj surŝutitaj per iom da pulvorsukero [19].