primar/a ^PV

Unuaranga, unuagrada, origina, baza: laŭ la plej primara rezono, por atingi pacon estas necese nuligi la kulturon, la kaŭzon de militoj ^Monato ; la ekzistanta manĉura estas rigardata de la fakuloj kiel rara primara materialo por esploro, vivanta fosilio [1]; se profesoroj, doktoroj, sociologoj kaj aliaj eminentuloj ĝis nun ne kapablis honeste administri la ŝtaton de Brazilo, kiu scias, ĉu simpla tornisto kun primara klereco tion ne faros pli kompetente [2]; nerektaj faktoj donas motivojn opinii, ke de tiuj primaraj verboj originis ĉiuj vortoj de ĉiuj lingvoj [3]; malkovri la primaran fonton (rezervujon) de la malsano [4].

a)

(pri epoko) Apartenanta al la unua epoko.

b)

Kiu produktas krudaĵojn: la agrikultura sektoro estas la primara produktiva sektoro kun la kerna alvokiĝo kultivi kaj protekti naturajn rimedojn por nutri la homaron [5]; la evolulandoj bone sukcesis en primaraj sektoroj de industria produktado kiel la produktado de nutraĵoj, teksaĵoj, papero kaj bazaj metaloj [6]; la ministrejo pri primaraj industrioj [7].

sekundara, terciara, kvaternara