^*plum/o ^UV

1.

Ĉiu el la kornecaj tubetoj garnitaj per lanugo, kiuj kovras la korpon de birdoj: granda aglo kun grandaj flugiloj kaj abundaj plumoj [1]; hirundo […] kun la piedoj kaj kapo ŝovitaj sub la plumojn [2]; montris sin perfektaj dandoj per siaj kokete plumitaj (plumornamitaj) biretoj [3]; [ŝi] tiel forte batis la plumkovrilon, ke la plumoj flugis kiel neĝaj flokoj [4]; (figure) sin ornami per fremdaj plumoj (pretendi kvalitojn kaj meritojn ne reale havatajn).

2.

Skribilo farita el tubeto de plumo, kies ekstremon oni pintigis, aŭ el similforma metallameno tenata per plumingo: de la patro mi ricevis libron, kaj de la frato mi ricevis plumon [5]; vi posedas videblan talenton por la plumo ^Marta ; ŝtalplumo […] estas tro rigida [6]; plumo ne sentas, papero silentas ^PrV .

3.

(figure) Aŭtoreco, verkmaniero de iu: ĉu artikolon, verkitan de la talenta plumo de mia bofrato, oni ne volis akcepti ^Marta ? jen sub lia plumo aperis en 1942 La Esperantologio kaj ties disciplinoj [7]; pli ol 50 jarojn post la sukcesa ekiro de la germana versio el la plumo de la ŝlagropapo Ralph Siegel, la montoj laŭdire ĉiam ankoraŭ kantas [8]; jam en mallonga tempo via plumo, same kiel tiu de aliaj pri-afrikaj raportistoj, estus pli sovaĝa (kaj via koro pli malluma) ol la kontinento Afriko [9].

Tuto da plumoj, ekzemple de unu birdo: en la lumo de la luno li vidis flugantan birdon, kies ora plumaro brile radiis [10]. elnaĝis tri belaj blankaj cignoj, kun krispa plumaro ili malpeze kaj majeste glitadis sur la akvo [11].

Bastoneto, al kiu oni adaptas skriboplumon: bastoneto, sur kiu oni tenas plumon por skribado, estas plumingo [12]. apenaŭ ŝi estis preninta la plumingon, subite per ekmovo bruta, aŭtomata, pli forta al ŝia volo, ŝi ĝin rompis en siaj fingroj [13]; la enketisto sindefende svingis la plumingon [14].

Skatoleto, por teni skriboplumojn: skatolo, en kiu oni tenas plumojn, estas plumujo [15]; mi havas en mia plumujo du plumingojn sen plumoj [16].

Skribilo, plumingo kun inkorezervujo: [li] tuj prenis sian fontoplumon kaj faris inkmakulon sur la karnon [17]; ni retrovis […] oran fontplumon, kiun pluraj atestantoj rekonis kiel lian [18]; „bonvolu subskribi vian nomon ĉi tie.“ la ŝipestro transdonis fontplumon al mi [19].

Forigi la plumojn, ekzemple de birdo preparata por kuiro: pavoj […] estas la belo, sed se oni nur iom senplumigus ilin, ili aspektus ne alie ol ni ĉiuj [20]; la konsulo levis la ŝultrojn ĝis la oreloj, kiam li diris tion, liaj brakoj samtempe leviĝis, […] tio aspektis, kvazaŭ oni senplumigis lin kaj stucis liajn flugilojn [21]; senplumigi kokinon, ne vekante mastrinon (lerte ŝteli) ^PrV .