lik/i

(ntr)

1.

(pp ujo) Tralasi likvaĵon pro fendiĝinta vando: likas kaldrono, tubo, vazo; likanta ŝipo (enlasanta akvon); riparoj de likantaj domoj, konstruitaj dum la 1990aj jaroj pro malbonaj decidoj pri normoj de konstruado [1].

2.

(pp fluaĵo, elektro, pulvoro ks) Tralikiĝi: Dunjo, malfermu! ĉu de vi likas la akvo [2]? en la maron likis centoj da tunoj da petrolo el la ŝipo [3]; ĝenis koto, kiu likis sur la tersurfacon kaj ofte eniris domojn [4]; [el la] skatolo […] likis blanka pulvoro [5].

3.

(figure) (pp sekreto) Malkonfidenciĝi: la polico […] subtile likigas al la amaskomunikiloj, ke la trovita eksplodilo neniam estis uzita de ETA [6]; poste sendependa esplor-komisiono trovis aliajn tiel nomatajn faktojn, kiujn komisionano likigis al la brita gazetaro [7]; likigo de ŝtataj sekretoj [8]; humanisto, […] laŭ li, estas „tiu, kiu en sia vivo centras homojn ― ne diojn, racion ― ne superstiĉon, faktojn ― ne fantaziojn“ […] el tiu Gubbins-a difino pri „humanisto“ likas, certe senintence, pli ol aplombo, io malrespekta al homoj sincere serĉantaj aŭ racimotivitaj dikredantoj [9].

Difektita loko, je kiu likas la responda fluaĵo ks: liko en la bortrua tubo [10]; loĝanto menciis, ke jam meze de la 80aj jaroj okazis eta liko el la baseno [11]; (figure) li sendis resumon de la dokumento al la transmara retejo […], kiu publikigis ĝin en siaj paĝoj, kiam la ĉina registaro rimarkis tion, ĝi petis la honkongan oficejon de Yahoo! kontroli, kie estis la liko [12].

Ne penetrebla de la akvo, p.p. ŝipvando ks: ju pli firma estas la tegmento, des pli likimuna ĝi estas [13]; la mara fundo ja estas likimuna [14]; (figure) konstruiĝas tiam paralela realo, likimuna kaj apartiga [15].

Trairi tra liko: la leviĝanta koto rapide tralikiĝis [16]; (figure) io el la raporto tralikiĝis en Kenjon, ne per la oficialaj komunikiloj, sed nerekte [17]; (figure) nenio tralikiĝis pri ĉi tiuj eventoj, nek pri la identeco de la kapuĉitaj usonaj agentoj [18].

Programista eraro, manifestiĝanta en perdo de loko en komputila memoro pro multobla disponigo de dinamika memorareo por datumoj sen posta liberigo de ĝi, pro kio la disponebla memoro elĉerpiĝas kaj la programo paneas: Laŭ la planoj oni komencos serioze koncentriĝi je plirapidigo de la programo (kaj forigo de memorlikado) nur en M19 aŭ M20. [19]