³konservativ/a ^PV

Politike kaj socie konservema; kontraŭa al ŝanĝoj kaj reformoj; konservisma: partio, tradicie konservativa, teorie favora al libera merkato, sed fakte intervenema [1]; duono de la loĝantaro estas konservativa, duono socialista [2]; se tiu Komitato ŝajnos al vi tro konservativa, tiam memoru, ke ĝi ekzistas ne por la plenumado de diversaj personaj kapricoj, sed por la gardado de la interesoj de la tuta esperantistaro [3]; kontraŭ pretendata monopolo batalis konkurenca pariza eldonejo, gvidata de kelkaj lingve tre konservativaj homoj [4]; eksplodis lingvaj kontraŭdiroj: inter konservativaj, neologismomalamikaj, novotimaj esperantologoj, kaj pli malfermitaj, pli liberalaj homoj [5]; la idealo de interpopola kompreniĝo, kiun Esperanto volis akceli, spitante la kontrolon kaj ofte eĉ volon de konservativaj kaj naciismaj reĝimoj [6]. dekstra²

Socia aŭ politika idearo, kiu celas precipe konservadon de la nune funkcianta socio; konservismo: establiĝis maldekstraj registaroj post periodo de konservativismo [7]; se nur 12 % de la popolo iris al la urnoj por subteni reformon progreseman, justan kaj demokratian, la estonteco de konservativismo kaj dekstrismo en Britio estos dum longa tempo sekura [8]. progresismo, reakciismo

Subtenanto de konserva politiko, de socia neŝanĝemo: koaliciano por la konservativuloj [9]; je la venonta elektado, la konservativuloj perdos sian plimulteton, mi pri tio ne dubas [10]; la stultaj konservativuloj riproĉis al la Liftmajstro, ke liaj ideoj sibaritigos la konaon [11].