¹hipotez/o

Nepruvita supozo, provizore akceptata por klarigi kaj komprenigi konstatitajn faktojn, sed kontrolota per pluaj eksperimentoj: Leibniz akre atakis la hipotezon pri la deveno de la lingvoj el la hebrea [1]; oni ne povas starigi seriozan sciencan teorion sur tiu ĉi hipotezo [2]; fine la tero, senforta, sekiĝinta kaj dezerta, prezentos unu grandegan tombejon[…] tia estas la hipotezo de Flammarion [3]; mistero, kiu lasis pordon malfermita al ĉiuj hipotezoj [4]; ŝajnas al mi, ke la hipotezo de memmortigo estas […] forĵetinda [5]; la Diecon, kiu estas, laŭ universala hipotezo, senlima, ni mortuloj […] ne povas difini, elkompreni [6]; mi testis mian hipotezon ĉe ĉiu lia vorto [7]; la ŝatanto de detektivromanoj aperis ekzaltita, kvazaŭ lin fascinus la propra hipotezo [8]. konjekto

Provizore akceptata, supozata, sed ne pruvita: hipotezaj modeloj de la socio [9]; eble mia psikologia trejniĝo misgvidas min […] kaj ĉi tio estas nur hipoteza [10]; Cherpillod kvazaŭ volas sin anticipe defendi kontraŭ tute hipotezaj akuzoj, de neniu levataj [11]; la nombro […] estas takso pri la perdoj faritaj per komparo kun hipoteza paca tempo [12]; li iel predikis kvazaŭ el pupitro, per ekzemploj, enŝovante hipotezajn kontraŭajn opiniojn de hipotezita aŭskultanto kaj refutante ilin [13]; por eviti hipotezan risketon, okazas, ke oni elmetas sin al verŝajna riskego [14].

(tr)

Metode supozi: li hipotezis, ke arto evoluas en kadroj de t.n. „progresivaj cikloj“ [15]; eĉ se hipotezi, ke […] [16]; „ŝajnas ke plano disvolviĝis por altiri s-inon Jendrik en kaptilon kun la celo senpezigi ŝin je parto de ŝia mono“, Jano hipotezis [17]; honesta recenzanto restu ĉe la enhavo kaj ne hipotezu pri la eblaj ekster-verkaj fi-intencoj de la aŭtoroj [18].