Hindi/o ^RLN

Hindujo: kalendaroj de Persio, Hindio, Ĉinio [1]; kiam angloj koloniis Hindion, la oficiala lingvo de Hindio fariĝis la angla [2]; la restintaj antikvaj manskribaĵoj pruvas, ke budhismo venis al Tohario (teritorio de la nuntempa Taĝikio) el norda Hindio [3]; detale priskribis la simptomojn de ĥolero kuracistoj el Hindio, kio estas komprenebla, ĉar la hinda duonkontinento estis konstanta ardejo de ĥolero dum kelkaj jarmiloj [4]. Barato

1.

Rilata al Hindio: triatage mi konstatis per miaj instrumentoj, ke mi atingis la linion de la hindia ŝiptrafiko [5]; hindia sendependeco realiĝis sen armiloj, alfrontinte potencegan britan armeon [6].

2.

Rilata al la hindia lingvo: en la hindia oni havas interesan kazosistemon: unu kazo, la rekta, estas uzata same por la subjekto de la frazo kaj por la objekto; la alia, la oblikva, estas uzata antaŭ postpozicioj [7].

Rim.: Pro la konfuzo de la geografia Hindio kaj la aparta hindia lingvo, en iuj okazoj la adjektivo povas rilati ankaŭ al pluraj el la lingvoj iam parolataj en Hindujo: Egbert Richter, religio-sciencisto kaj tradukisto de antikvaj hindiaj skriboj [8].

La hindarja, sanskritida lingvo parolata en la plej multaj nord- kaj centrhindaj subŝtatoj: nazaleco estas distinga trajto en la vokalaroj de la franca, la portugala, la joruba, la hindia kaj diversaj aliaj lingvoj [9].