³efemer/a

efemera

: Nedaŭra, rapide pasanta: Sed la tempo per ĵaluza dento // Ĉarmojn ŝiris post rikolt' somera // De l' virin' plej forta argumento // Estas efemera! [1]; de la efemera laboro de tiaj amikoj la afero ne sole nenion gajnas, sed kontraŭe, ĝi nur perdas [2]; la vivo estas efemera kaj estas maljuste aranĝi tiun efemerecon kvazaŭ oni vivus eterne [3]; efemeran vivon havis la unuaj studentaj gazetoj en Esperanto [4]; tiu etika regularo ne restu efemera kaj tute senvalora, kiel multaj aliaj ĝisnunaj belaj teoriaj principoj [5]. pasema, pereema

1. Raymond Schwartz: La Stranga Butiko, Amo Ĉiama
2. L. L. Zamenhof: Dua Libro de l’ lingvo Internacia, Dua Libro de l' Lingvo Internacia
3. Ferenc Szilágyi: La Granda Aventuro, V.
4. Ivo Lapenna, Tazio Carlevaro kaj Ulrich Lins: Esperanto en Perspektivo, Kvara Parto
5. Edmond Privat: Vivo de Zamenhof, Vivo de Zamenhof

: Nedaŭreco, pasemo: ĉio estas mensogo, erariga ombro, efemero [6]; (oksimore) kaoso de la eternigita efemero [7]; li estas poeto de la vivo-efemero, kaj de la neceso epikure […] ĝui la malmultajn plezurojn, kiujn ĝi prezentas [8].

6. Eliza Orzeszko, trad. Kazimierz Bein: La Interrompita Kanto, Ĉaptiro V
7. Ferenc Szilágyi: La Granda Aventuro, II.
8. Ivo Lapenna, Tazio Carlevaro kaj Ulrich Lins: Esperanto en Perspektivo, Dua Parto