beat/a

1.

Tre feliĉa¹: ho, kiom pli feliĉaj estas la frenezuloj, kiom beataj ^VaK ; ĝis la alto de ĉi tiu beata sento – li diris, – povas leviĝi nur la vivanta kaj varma patriota koro ^VaK ; [li] direktis al ili beatan rideton, kiun ili ne meritis ^ChV ; sur lia zorgosulka vizaĝo en tiu momento hastis tia beata rideto, kvazaŭ […] li ricevos post paso de kvar semajnoj heredaĵon kvinmilfrankan ^MortulŜip ; mi plonĝis en la kaptilon kiel beata idioto ^KrM . ebria², ekstazo

2.

Solene proklamita de la Eklezio kiel preskaŭsanktulo: la papo deklaris Johanon 23an beata [1]. [ŝi] fanfarone defias Diojn opiniante sin beata ^Rsp ; se oni ne nur prenas la posedaĵojn de la civitanoj sed ankaŭ ŝtelas kaj sklavigas la civitanojn mem, nu, anstataŭ esti tiel kondamnita oni estas aklamata kiel beata, benita ^Rsp . beni, sankta

Validigo kaj proklamo de ies beateco: proceso de beatigo ĉe Vatikano [2]. li denuncas la beatigon de Karlo la 1a, la aŭstra imperiestro, pro la fakto, ke lia armeo uzis venengason kontraŭ la italoj [3]; mi ekscitiĝas nek pri la beatigo de Johano Paŭlo la 2a nek pri la edziĝo de princo Vilhelmo [4].

Agnoskita preskaŭsanktulo: fraton Olallo oni agnoskas beatulo pro la mirakla resanigo de la infano Daniela Cabrera Ramos, suferinta pri kancero kaj renaj problemoj [5].