Artikolo 454
| eo | tigleca |
| Difino | Tre vigla kaj gaja, kiel Tiglo, karaktero en libro de A. A. Milne. |
| Bildo | |
| Rimarko | Pretekston por registri ĉi tiun vorton donas la registro de "Tiggerish" en Oxford English Dictionary. "Tigger" aperis en "The House at Pooh Corner" de A. A. Milne, kiu ankoraŭ ne aperis en Esperanto. "Tiglo" estas proponita esperantigo de "Tigger". |
| Diskuto | [Ikar] +Diskuto Se la artikolo nomiĝus ne "tigleca", sed "Tiglo", mi donus tradukon al la rusa: "Тигра" (laŭ la rusa traduko de la bildfilmo de Disney). [Edmundo] +Diskuto Forgesu pri Disney, kaj prefere eĉ ne menciu ĝin. Kio ĝi estas en la rusaj tradukoj de la libro? Supozeble same. [Ikar] +Diskuto Do, mi devas iom klarigi. En Sovetio, Winnie-la-Pu (Vinni-Puh) kaj liaj amikoj aperis en 1960 en formo de literatura re-rakonto (sed ne ĝusta traduko!), farita de B. Zahoder. La libreto akiris ioman popularecon, sed la historio estiĝis vere fama (inter ĉiuj tavoloj de la sovetia loĝantaro, infanoj kaj plenkreskuloj) nur kiam aperis sovetia serio de bildfilmoj "Vinni-Puh kaj ĉiuj-ĉiuj-ĉiuj" (1969, 1971, 1972). Mi rememorigas, ke tiam estis tempo de "fera kurteno", kaj ni tute ne sciis pri ekzisto de Disney-aj bildfilmoj pri Winnie-la-Pu, kaj apenaŭ aŭdis pri la orginala libro de A. A. Milne. Do jen, en la sovetia bildfilmo rolis nur Vinni-Puh, Porketo, Kuniklo, azeneto Ia kaj Strigino (nu, kaj la abeloj :-) ). Tiglo kaj Kristoforo Robin simple ne ekzistis! Kaj ĝuste ĉi tiu versio estiĝis vaste populara. Nur poste, post disfalo de Sovetunio, ni ekvidis la Disney-ajn bildfilmojn (kun novaj por ni Tiglo kaj Kristoforo Robin), kaj poste aperis libroj-rerakontoj de tiuj bildfilmoj, kaj nur poste - veraj tradukoj de la libro de A. A. Milne. Kaj ĝis nun, sur la post-sovetia teritorio, ĝuste tiu sovetia bildfilmo pri "Vinni-Puh kaj ĉiuj-ĉiuj-ĉiuj" estas rekonata kiel "kanona", kaj diversaj Kristoforoj Robinoj kaj Tigloj estas nur "apokrifaj". :-) Jen tiel. :-) 2010-03-02 00:00:00 |
| en | Tiggerish |
| ru | как Тигра |
Historio de ŝanĝoj (ofte nur videbla post kelkaj tagoj)