Aldoni tradukojn al ReVo:

*17kontrol/i

*kontroli  

serĉi 'kontroli'
[kontro.0i]
en:
(tr)
1.  
[kontro.0i.administracie]
en:
Administracie ekzameni ion, por scii ĉu tio estas ekzakte kaj laŭregule farita: kontroli kontojn de banko, la biletojn en la teatro; la ŝtato severe kontrolas la enmigradon; li kontrolas la plenumantojn de la gardado de la sanktejo [1]; du gardistoj kun bastonoj […] kontrolis la servistojn kaj skribistojn [2]; la formiko […] kvankam ne havas estron nek kontrolanton, ĝi kolektas dum la somero ĝian manĝon [3].
2.  
[kontro.0i.detale_esplori]
en:
(figure) Detale esplori ion por scii ĉu tio estas konvene farita: kontroli fakturon, kalkulon; estas necese kontroli tiun fakton, aserton antaŭ ol decidi; kapabla edzino […] kontrolas la iradon de aferoj en sia domo [4]; la formikoj efektive estas tre respektinda popolo […] ĉio ĉe ili estas preciza, kiel trakontrolita kalkula tasko [5]; la Lingva Komitato estas komisiita por zorgi la konservadon de esp-o kaj kontroli ĝian evoluon; kontroli la nombron de la membroj; la Eternulo starigis vin pastro […], por ke vi estu kontrolanto […] super ĉiu frenezulo, kiu prezentas sin kiel profeton, kaj vi metu lin en malliberejon [6]; drinku tutajn tagojn, sed kontrolu viajn agojnPrV ; ni devas kontroli ĉiun vorton, ĉar alie li nin batos per silaboj Hamlet .
3.  
[kontro.0i.konformecon]
en:
Esplori, ĉu io estas konforma al supozo: oni iras al la kongresoj por kontroli, ĉu oni ĝuste ellernis la lingvon; mi volas definitive kontroli, ĉu mi povos...B ; li […] ĉirkaŭrigardi[s…] por kontroli, ĉu vere minacas lin danĝero [7].
angle:
check
beloruse:
кантраляваць, правяраць
bulgare:
проверявам
ĉeĥe:
kontrolovat
france:
contrôler, vérifier
germane:
prüfen, nachprüfen, überprüfen, kontrollieren
hispane:
comprobar, inspeccionar, verificar, revisar
hungare:
ellenőriz
nederlande:
1. toezicht houden op 2. controleren 3. controleren
pole:
dopatrywać, kontrolować, sprawdzać
portugale:
inspecionar, fiscalizar, conferir, verificar, apurar, averiguar, vigiar, disciplinar, controlar
rumane:
controla, verifica, supraveghea
ruse:
проверять, проверить, контролировать, проконтролировать

*kontrolo  

serĉi 'kontrolo'
[kontro.0o]
en:
1.
[kontro.0o.administracia]
en:
Administracia ekzameno pri reguleco aŭ ekzakteco de io: sub mia persona kontrolo kaj kunhelpo [8]; kontrolo pri la spezoj; la supera kortumo havas kontrolon super la tuta ŝtata maŝinaro. la estro de la malliberejo transdonis en la manojn de Jozef ĉiujn malliberulojn […] kaj ĉio […] estis farata sub lia kontrolo [9]; sub la kontrolo kaj gardado de la filoj de Merari estas la […] tuta aranĝaĵo [10]; la Liganoj komisias la Ligon por la ĝenerala kontrolo pri la plenumado de la interkonsentoj; senkontrola aplikado de antibiotikoj en medicino [11]; profesiuloj ne lasus sin kapti per drogkontrolo [12]; nederlanda piloto ne komprenis anglalingvan mesaĝon senditan el la kanaria kontrolturo [13].
2.
[kontro.0o.detala]
en:
Detala esplorado, ĉu io estas tia, kia ĝi devas esti: ne kredu al parolo sen propra kontroloPrV ; se vi sendis malsaĝulon, sendu kontrolon (sk post li)PrV .
angle:
~turo: control tower
beloruse:
кантроль, праверка
bulgare:
проверка
france:
contrôle, vérification
germane:
Prüfung, Nachprüfung, Überprüfung, Kontrolle ~turo: Kontrollturm
hispane:
comprobación, inspección, verificación, revisión
hungare:
ellenőriz
nederlande:
controle
pole:
audyt, diagnostyka, dozór, inspekcja, kontrola, rewizja, sprawdzenie
rumane:
audit, diagnostic, supraveghere, inspecție, control, verificare
ruse:
проверка, контроль

*kontrolilo

serĉi 'kontrolilo'
[kontro.0ilo]
en:
Ilo per kiu oni kontrolas: la „Fundamento de Esperanto“ devas troviĝi en la manoj de ĉiu esperantisto kiel konstanta kontrolilo [14]; kiam la literumkontrolilo renkontas malĝustan vorton, ekzistas du procedmanieroj [15]; la brakhorloĝo nun perdas sian tradician rolon kiel horokontrolilo [16].
france:
instrument de vérification, instrument de contrôle, moyen de contrôle
germane:
Prüfmittel
pole:
sterownik, kontroler
rumane:
driver, conducător auto

kontrolebla

serĉi 'kontrolebla'
[kontro.0ebla]
en:
Povanta esti kontrolata: iru kaj rigardu la faktojn, la longe jam ekzistantajn, de ĉiu facile kontroleblajn sendubajn kaj nemalkonfeseblajn faktojn FK ; la artikolo neniel estas simpla opinio, sed serio da kontroleblaj asertoj [17]; necesas krei administran instancon kontroleblan de eŭropaj ŝtatanoj [18].
beloruse:
якога можна кантраляваць
bulgare:
проверим
france:
contrôlable, vérifiable
germane:
nachprüfbar, überprüfbar
hispane:
comprobable, inspeccionable, verificable, revisable
hungare:
ellenőrizhető
nederlande:
controleerbaar
pole:
sprawdzalny, weryfikowalny
rumane:
constatabil, verificabil
ruse:
проверяемый, который можно проверить

kontrolejo

serĉi 'kontrolejo'
[kontro.0ejo]
en:
Loko, kie oni kontrolas ion: limkontrolejoj [19]; la brita armeo kun siaj timigaj kirasaŭtoj ne plu videblis sur stratoj, malaperis kontrolejoj ĉe komercaj kaj butikumaj centroj en Belfasto [20].
angle:
check point
germane:
Kontrollpunkt

kontrolisto

serĉi 'kontrolisto'
[kontro.0isto]
en:
Oficisto aŭ dungito, kies precipa tasko estas kontroli: la kontrolistojn Izraelidojn, starigitajn super ili de la voktoj de Faraono, oni batadis, dirante: kial vi ne pretigis vian ordonitan nombron da brikoj [21]; li faris el ili sepdek mil portistojn, okdek mil montajn ŝtonhakistojn, kaj tri mil sescent kontrolistojn, por devigadi la popolon labori [22]; juĝistojn kaj kontrolistojn starigu al vi en ĉiuj viaj urboj […] kaj ili juĝu la popolon per juĝo justa [23]; aviadilaj kraŝoj okazas pro miskomprenoj inter pilotoj kaj flughavenaj kontrolistoj [24]; estonte kontrolistoj rajtos sen antaŭa anonco eniri domojn de pafistoj por vidi, ĉu la mortigiloj estas laŭleĝe konservataj [25]; financkontrolisto [26].
angle:
controller
germane:
Kontrolleur, Aufseher

trakontroli

serĉi 'trakontroli'
[kontro.tra0i]
en:
Komplete kontroli iun aferon: tio ĉi estas aferoj, kiujn […] ĉiu povas facile praktike trakontroli FK ; ĉio ĉe ili estas preciza, kiel trakontrolita kalkula tasko [27].
germane:
durchprüfen

administraj notoj

~i : Mankas verkindiko en fonto.