¹koral/o ^PV

koralo

: Kalka arboforma produktaĵo de iuj kniduloj formantaj koloniojn, ruĝa aŭ blanka, ordinare fiksita al submaraj rokoj: la palaco de la reĝo de la maro […] estas el koraloj, kaj la altaj fenestroj el la plej travidebla sukceno [1]; koraloj kaj kristalo ne estas atentataj […], posedo de saĝo estas pli valora ol perloj [2]; ilia vizaĝo estis pli ruĝa ol koraloj [3]; la buŝo havis koloron de koraloj, la mallumaj okuloj havis brilon junan kaj viglan ^Marta; la regiono similis al tuta arbaro da blankaj koraloj [4].

1. H. C. Andersen, trad. L. L. Zamenhof: Fabeloj, vol. 1, La virineto de maro
2. trad. L. L. Zamenhof: La Malnova Testamento, Ijob 28:18
3. trad. L. L. Zamenhof: La Malnova Testamento, Plorkanto 4:7
4. H. C. Andersen, trad. L. L. Zamenhof: Fabeloj, vol. 4, Neĝulo

1.: El koralo: ŝi demetis sian koralan ĉirkaŭkolon [5]; fiŝetoj eliras el siaj koralaj hejmoj kaj min rigardas [6]; la naturo de Nov-Kaledonio proponas ravajn kamparajn pejzaĝojn, […] koralajn insulojn [7].
2.: Koralkolora: koralaj lipoj; ĉu ne estas pli bone […] klinadi la buŝon al ŝia korala buŝo [8]?

5. Jakob Grimm, Wilhelm Grimm, trad. Kazimierz Bein: Elektitaj Fabeloj de Fratoj Grimm, Du fratoj
6. B. Kostinek: Inter la koraloj, Nica Literatura Revuo, 1956-11 ĝis 12 (2/2), p. 62-64a
7. Monato, Gérard Mansel: Ĉarma insulo en Pacifiko, 2014
8. Henryk Sienkiewicz, trad. Lidia Zamenhof: Quo Vadis, Ĉapitro XLIX