apsid/o ^JED

1.

Duonronda funda parto de konstruaĵo (precipe de ortodoksa aŭ katolika preĝejo, kie ĝi entenas altaron), kovrita de duonvolbo: fine de la 11ª jarcento pretiĝis la subpreĝejo kaj la trinava preĝejo kun tri apsidoj kaj sen transepto [1]; norda apsido kaj orienta kripto de sanktaj Kosmo kaj Damiano [2]; apsido, farita en romana stilo [3]; inter 1419 kaj 1425 ekestis konstruaĵo, kun ĉ. 30 metrojn longa, rektangula navo, apsido kaj turo [4].

2.

Tiuj punktoj de la orbito de objekto, ĉe kiuj tiu estas plej proksima aŭ plej malproksima de la ĉirkaŭata objekto: fora apsido, proksima apsido; ĉiuj apud-teraj objektoj havas apsidan distancon de malpli ol 1,3 astronomiaj unuoj [5]. afelio, perihelio, apogeo, perigeo