amplif/i, amplifik/i

(tr)

Plifortigi elektrajn aŭ elektromagnetajn oscilojn: sola vakutuba amplifilo povas amplifi multajn voĉojn [1]; se tia objekto pasas inter ni kaj tre fora lumfonto, gravita lensado povas amplifiki la brilecon de tiu fonto dum mallonga tempo, kiam ĝi estas precize en la ĝusta pozicio [2]; mi kun Ada iris […] al taga seanco, por kontroli ŝian ideon pri telepatio, […] necesas preni kvincent aŭ mil homojn, por per adicio amplifiki malfortan efikon [3]; la efiko de transistoro povas esti rigardata kiel amplifiko de la kurento el unu cirkvito (emitoro ‐ bazo) en la dua (emitoro ‐ kolektoro) [4].

Aparato por pligrandigi elektrajn oscilojn, kiujn oni ĝenerale ricevas kun tre malforta intenseco: ekzistas altfrekvencaj, malaltfrekvencaj, magnetaj, rezistancaj kaj transformatoraj amplifiloj; laca ina voĉo ekfluis el stacidomaj amplifiloj: „Trajno numero NN restartos je la kvara kaj dudek kvin“ [5].